ဇာတိရြာထက္
ကမၻာေျမကို မင္းခံုမင္ခဲ့တယ္။
မိုးေကာင္းကင္ထက္က
အလံေတာ္တလက္ကို ခ်စ္မက္တာ
ရာဇ၀တ္မွဳတဲ့လား ကိုရင္။
မင္းအိပ္မက္က
လွပစိမ္းျမ၊ ဂီတသံစဥ္
ေႏြရင္ျပင္မွာ ပြင့္ခဲ့တာ။
ဂ်ဴးလိယက္ဖူးခ်စ္ကို
ရူးသြပ္ခဲ့တဲ့ ငါ့သူငယ္ခ်င္း
ေခတ္တေခတ္ကို
(သူလိုခ်င္တဲ့ ေခတ္တေခတ္ကို)
တေတာင့္ခ်င္း ပစ္ခတ္ခဲ့တယ္။ ။
ေမာင္လြမ္းဏီ
ေဒါင္းအိုးေ၀၊ အတဲြ - ၂၊ အမွတ္ - ၅
ေအဘီအက္စ္ဒီအက္ဖ္ ၁၅ ႏွစ္ေျမာက္ အထူးထုတ္
No comments:
Post a Comment