၅၄.... ရာသီလေ
နွေနေမြှားချက်၊ မိုးသက်လေပြင်း၊ နှင်းဆောင်းခြိမ်းခြောက်
မပျောက်မပျက် ခေါ်သံပေး
သွေးကျောက်စာနဲ့ လမ်းပေတရာ။
‘ဒီမှာ.... ဟိုမှာ... အဝေးမှာ... အနီးမှာ
မလှမ်းမကမ်းမှာ
ထန်းခေါက်ဖာထဲက လူမမယ်တွေ
ကျောက်စာထဲက လူငယ်တွေ
အရွယ်... အသိ.... ကတိ... အဓိဌာန်
ကံကြမ္မာ အနာဂတ်ကမ္ဘာ ကဗျာအိပ်မက်ဖူး
သေအံ့မူးမူး ရူးသွပ်မာန်မပျော့
မလျှော့လုံ့လ ဝိရိယလည်း
မကွဲမကြေ မစင်မလွင့်
ကစဥ့်ကလျား တရားမမဲ့
သိုမှီးထားခဲ့.... ။
နီးလာတဲ့ ၆ဝ ရာသီ
ချီတက်ဆဲ လွတ်မြောက်ရေးလမ်းမကြီး
ထီးထီးမားမား တို့ခြေဖဝါးကိုပွေ့ဖက်
အိပ်မက်တဲ့နိုင်ငံတော်သစ်
ကဗျာအဖြစ် ထုဆစ်တဲ့ကျောက်စာ
ကမ္ဘာမကြေတေးကိုပဲ ဆိုညည်းမှာ.... ။
(၁၈) နှစ်မြောက် ၈၈၈၈ အရေးတော်ပုံအထိမ်းအမှတ်
No comments:
Post a Comment